ကမ္ဘာ့အပူချိန်ကို မြင့်တက်စေသည့် ပစိဖိတ်သမုဒ္ဒရာ၏ သဘာဝရာသီဥတုဖြစ်စဉ် "အယ်နီညို" သည် တရားဝင်စတင်နေပြီဖြစ်ကြောင်း အမေရိကန် အမျိုးသားအဆင့် သမုဒ္ဒရာနှင့် လေထုဆိုင်ရာ စီမံခန့်ခွဲမှုအဖွဲ့ (NOAA) ၏ ထုတ်ပြန်ချက်ကို ကိုးကား၍ ဇွန်လ ၃၀ ရက် CNN သတင်းတွင် ဖော်ပြထားသည်။ ပစိဖိတ်အလယ်ပိုင်းနှင့် အပူပိုင်းဒေသ ပင်လယ်ရေမျက်နှာပြင်အပူချိန်သည် သာမန်ထက် ၀ ဒသမ ၅ ဒီဂရီဆဲလ်စီးယပ်စ်ကျော်လွန်ကာ သိသိသာသာမြင့်တက်လာခဲ့ပြီး၊ ယခုတစ်ကြိမ်တွင် "စူပါအယ်နီညို" အဆင့်အထိ ရောက်ရှိကာ သမိုင်းတစ်လျှောက် အပြင်းထန်ဆုံးဖြစ်လာနိုင်ကြောင်း ခန့်မှန်းထားကြသည်။ ယင်းဖြစ်စဉ်သည် ကမ္ဘာကြီးပူနွေးလာမှုဒဏ်နှင့် ထပ်ဆင့်ကြုံတွေ့ရမည်ဖြစ်သဖြင့် လာမည့် ၂၀၂၇ ခုနှစ်တွင် ကမ္ဘာ့အပူဆုံးနှစ်အဖြစ် စံချိန်သစ်တင်လာနိုင်ပြီး၊ ရာသီဥတု၊ စားနပ်ရိက္ခာနှင့် စီးပွားရေးကဏ္ဍများကို ဆိုးဆိုးရွားရွား ထိခိုက်မှုများ ဖြစ်ပေါ်လာနိုင်ကြောင်း သိရသည်။
အယ်နီညိုရာသီဥတုဖြစ်စဉ် စတင်ဖြစ်ပေါ်နေပြီး သမိုင်းတစ်လျှောက် အပြင်းထန်ဆုံးဖြစ်လာနိုင်ကြောင်း သတိပေး
Jun 30 • 10:27 AM
Myanmar
International
Share
 25 |  0 |  0 |  0 |
