အထက (၁) ဒဂုံမှ တက္ကသိုလ်ဝင်တန်း ထူးချွန်ကျောင်းသား၊ ကျောင်းသူ ၃ ဦးအား ကျောင်းသူဟောင်းတစ်ဦးမှ ဂုဏ်ပြုဆုငွေနှင့် လက်ဆောင်ပစ္စည်းများ ပေးအပ်ချီးမြှင့်

၂၀၂၅-၂၀၂၆ ပညာသင်နှစ် အခြေခံပညာအဆင့် (တက္ကသိုလ်ဝင်တန်း) စာမေးပွဲတွင် အထက (၁) ဒဂုံမှ ထူးချွန်စွာ အောင်မြင်ခဲ့ကြသည့် တစ်နိုင်ငံလုံးအဆင့် ၄ (ရန်ကုန်တိုင်းဒေသကြီးအဆင့် ၁) ဘာသာစုံဂုဏ်ထူးရှင် မသက်နှင်းစံ၊ ရန်ကုန်တိုင်းဒေသကြီးအဆင့် ၄ ခြောက်ဘာသာဂုဏ်ထူးရှင် မမေမြတ်သဲခိုင် နှင့် ရန်ကုန်တိုင်းဒေသကြီးအဆင့် ၇ ခြောက်ဘာသာဂုဏ်ထူးရှင် မောင်ကောင်းခန့်ဇော် တို့အား အထက (၁) ဒဂုံ ကျောင်းသူဟောင်းဖြစ်သူ Krystal Glow ရဲ့ Founder မဇင်မာမြင့်က တစ်ဦးလျှင် ဂုဏ်ပြုဆုငွေ ၃ သိန်းကျပ်နှင့်အတူ Krystal Glow ထုတ်ကုန်ပစ္စည်းများကို ဂုဏ်ပြုလက်ဆောင်အဖြစ် ပေးအပ်ချီးမြှင့်ခဲ့ကြောင်း သိရသည်။