မက်ခါလာ မုန်တိုင်းကြောင့် ထိုင်းနိုင်ငံတစ်ဝန်း မိုးကြီးနိုင်ကြောင်း သတိပေး

ပစိဖိတ်သမုဒ္ဒရာပေါ်ရှိ အပူပိုင်းမုန်တိုင်း "မက်ခါလာ" သည် ဂျပန်နိုင်ငံတောင်ပိုင်းဆီသို့ ရွေ့လျားမည်ဖြစ်ပြီး ထိုင်းနိုင်ငံအတွင်းသို့ တိုက်ရိုက်ဝင်ရောက်မည်မဟုတ်သော်လည်း မုတ်သုံလေနှင့် လေဖိအားနည်းရပ်ဝန်းအရှိန်ကြောင့် ထိုင်းနိုင်ငံတစ်ဝန်းတွင် မိုးသက်လေပြင်းကျခြင်းနှင့် မိုးကြီးခြင်းများ ဖြစ်ပေါ်နိုင်ကြောင်း ထိုင်းမိုးလေဝသဌာနက သတိပေးထုတ်ပြန်ထားသည်။ ထို့ကြောင့် ပြည်သူများအနေဖြင့် ရုတ်တရက်ရေကြီးခြင်း၊ ရေလျှံခြင်းများကို သတိပြုကြရန်နှင့် ကပ္ပလီပင်လယ်ပြင်နှင့် ထိုင်းပင်လယ်ကွေ့အတွင်း လှိုင်းအမြင့် ၂ မီတာခန့်အထိ ရှိနိုင်သဖြင့် စက်လှေငယ်များအနေဖြင့် သတိထားမောင်းနှင်ကြရန် နှိုးဆော်ထားကြောင်း သိရသည်။