ရန်ကုန်တိုင်းဒေသကြီး၊ဒဂုံမြို့သစ် (ဆိပ်ကမ်း) မြို့နယ်တွင် ယာဉ်တိုက်မှုဖြစ်ပွားပြီး ညပ်နေသည့် ယာဉ်မောင်းအား မီးသတ်တပ်ဖွဲ့က ကယ်ထုတ်

ရန်ကုန်တိုင်းဒေသကြီး၊ ဒဂုံမြို့သစ် (ဆိပ်ကမ်း) မြို့နယ်၊ ၆၁ ရပ်ကွက်၊ ပဲခူးမြစ်လမ်းနှင့် ရတနာလမ်းထောင့်တွင် ယနေ့ (ဇွန်လ ၂၆ ရက်) မွန်းလွဲ ၁၂:၅၀ နာရီခန့်က ယာဉ်တိုက်မှုတစ်ခု ဖြစ်ပွားခဲ့ပြီး ယာဉ်မောင်း အမျိုးသားတစ်ဦး ယာဉ်အတွင်း ညပ်နေကြောင်း သတင်းရရှိသဖြင့် ဒဂုံမြို့သစ် (ဆိပ်ကမ်း) မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များက သွားရောက်ကယ်ဆယ်ခဲ့ရာ မွန်းလွဲ ၁၂:၅၄ နာရီတွင် ထိခိုက်ဒဏ်ရာ (မစိုးရိမ်ရ) ရရှိထားသည့် ၎င်းယာဉ်မောင်းအား အောင်မြင်စွာ ကယ်ထုတ်နိုင်ခဲ့ကြောင်း သိရသည်။