ရန်ကုန်ရှိသုခဒဂုံအိမ်ရာမှ အခန်းများကို ဇွန်လ ၂၈ ရက်တွင် မဲနှိုက်ပေးမည်

ရန်ကုန်တိုင်းဒေသကြီးရှိ သုခဒဂုံပြည်သူ့အငှားအိမ်ရာ၌ ထပ်မံပြီးစီးသည့် တိုက် (၃) လုံးမှ အခန်း (၄၈) ခန်းနှင့် စည်းကမ်းပျက်၍ ပြန်လည်သိမ်းဆည်းထားသော အခန်းများကို ဇွန်လ ၂၈ ရက် နံနက် ၁၀ နာရီတွင် တန်းစီဇယားအလိုက် မဲနှိုက်ပေးသွားမည်ဖြစ်ကြောင်း သိရသည်။ အဆိုပါအိမ်ရာအခန်းများသည် ဒဂုံမြို့သစ် (မြောက်ပိုင်း) မြို့နယ်၊ ပညာရေးဝန်ထမ်းများနှင့် ဌာနစုံတို့အတွက်ဖြစ်ပြီး မဲနှိုက်ခွင့်ရရှိသူများကို ဒဂုံ (မြောက်) ထွေဦးစီးရုံး၊ သက်ဆိုင်ရာဦးစီးဌာနများနှင့် ဖုန်းဖြင့် ဆက်သွယ်အကြောင်းကြားပေးသွားမည်ဖြစ်ကြောင်း သိရသည်။