XtraSure ၏ „ကောင်းသောနေ့များဆီသို့“ CSR လူမှုအကျိုးပြုအစီအစဉ်အဖြစ် အမြင်အာရုံမသန်စွမ်းသူများအတွက် ဒစ်ဂျစ်တယ်အသိပညာပေးသင်တန်း ကျင်းပ

Apple Authorized Reseller ကုမ္ပဏီတစ်ခုဖြစ်သည့် XtraSure ၏ „ကောင်းသောနေ့များဆီသို့“ လူမှုအကျိုးပြု CSR အစီအစဉ် ပထမဦးဆုံးခြေလှမ်းအဖြစ် အမြင်အာရုံမသန်စွမ်းသူများအတွက် ဒစ်ဂျစ်တယ်အသိပညာပေးသင်တန်းကို ဇွန်လ ၂၄ ရက်က ရန်ကုန်မြို့ရှိ Pan Pacific Hotel ၌ ကျင်းပခဲ့ကြောင်း သိရသည်။ အဆိုပါသင်တန်းကို ရန်ကုန်မျက်မမြင်ကျောင်း (ခဝဲခြံ) နှင့် ပူးပေါင်းကာ သင်တန်းပို့ချသူ Trainer မဝေဖူး၏ ပံ့ပိုးမှုဖြင့် အမြင်အာရုံမသန်စွမ်းသူများအတွက် လက်တွေ့သင်ကြားပို့ချပေးခဲ့ခြင်းဖြစ်ကြောင်း သိရသည်။