စာမေးပွဲလိမ်လည်မှုကြောင့် ဒေသန္တရအုပ်ချုပ်ရေးအရာရှိ ၆,၆၆၉ ဦး ခန့်အပ်ရေးကို ထိုင်းဝန်ကြီးချုပ် ပယ်ဖျက်

ထိုင်းပြည်ထဲရေးဝန်ကြီးဌာန လက်အောက်ရှိ ဒေသန္တရအုပ်ချုပ်ရေးဦးစီးဌာနက ဒေသန္တရအုပ်ချုပ်ရေးအရာရှိ ၆,၆၆၉ ဦး ခန့်အပ်ရန် ပြီးခဲ့သည့်နှစ်က ကျင်းပခဲ့သည့် စာမေးပွဲတွင် အကြီးစားလိမ်လည်မှုများ ဖြစ်ပွားခဲ့ကြောင်း စွပ်စွဲမှုများ ထွက်ပေါ်လာပြီးနောက် အဆိုပါ ခန့်အပ်ရေးလုပ်ငန်းစဉ်ကို ပယ်ဖျက်ရန် ထိုင်းဝန်ကြီးချုပ် အနုတင် ချန်ဝီရာကူးလ်က အမိန့်ထုတ်ပြန်ခဲ့သည်။ ဝန်ကြီးချုပ်သည် ဇွန်လ ၂၅ ရက် နံနက်ပိုင်းက အစိုးရအိမ်တော်၌ အကြီးတန်းတာဝန်ရှိသူများနှင့် တွေ့ဆုံဆွေးနွေးခဲ့ပြီး၊ စာမေးပွဲကျင်းပပုံ လုပ်ငန်းစဉ်မှာ ဥပဒေနှင့် မညီညွတ်သဖြင့် ထုတ်ပြန်ထားသည့် အောင်စာရင်းများကို ပြန်လည်ရုပ်သိမ်းရမည်ဟု ပြောကြားခဲ့ကြောင်း သိရသည်။