စက်မှုဇုန်များကြားက တရုတ်နိုင်ငံ၏ ခေတ်မီကျောက်မီးသွေးသုံး ဓာတ်အားပေးစက်ရုံများ

တရုတ်နိုင်ငံ ရှန်ဟိုင်းမှ ဟန်ကျိုးမြို့သို့သွားရာ အဝေးပြေးလမ်းမကြီးဘေးရှိ ဧရာမစက်မှုဇုန်ကြီးများအလယ်တွင် တရုတ်နိုင်ငံ၏ စီးပွားရေးအရှိန်အဟုန်ကို မောင်းနှင်ပေးရန် ခေတ်မီ ကျောက်မီးသွေးသုံး ဓာတ်အားပေးစက်ရုံများကို မဟာဗျူဟာမြောက် တည်ဆောက်ထားသည်။ အဆိုပါစက်ရုံများရှိ ကွန်ကရစ်မျှော်စင်ကြီးများမှ ထွက်ပေါ်နေသော ဖြူဖွေးသည့် အခိုးအငွေ့များသည် ပတ်ဝန်းကျင်ညစ်ညမ်းစေသည့် မီးခိုးမည်းများမဟုတ်ဘဲ အပူရှိန်လျှော့ချပေးသည့် ရေအအေးခံစနစ်မှ ထွက်လာသော သဘာဝရေနွေးငွေ့များသာဖြစ်ကြောင်း သိရသည်။