တောင်ကိုရီးယား၊BTS အဖွဲ့၏ 'Arirang' အယ်လ်ဘမ်သစ် ၂၀၂၆ ခုနှစ် ပထမနှစ်ဝက်၏ အကောင်းဆုံးအယ်လ်ဘမ်များစာရင်းတွင် ပါဝင်လာ

ကမ္ဘာကျော် K-pop စူပါဂရု BTS အဖွဲ့၏ နောက်ဆုံးထွက်ရှိထားသော "Arirang" စတူဒီယိုအယ်လ်ဘမ်သည် ကမ္ဘာလုံးဆိုင်ရာ ထိပ်တန်းဂီတမဂ္ဂဇင်းများနှင့် ဝေဖန်ရေးသမားများ ရွေးချယ်သည့် ၂၀၂၆ ခုနှစ် ပထမနှစ်ဝက်အတွင်း ထွက်ရှိခဲ့သမျှ အကောင်းဆုံးဂီတအယ်လ်ဘမ်များစာရင်းတွင် ထည့်သွင်းချီးကျူးခြင်း ခံခဲ့ရသည်။ပြီးခဲ့သည့် မတ်လ ၂၀ ရက်နေ့က ထွက်ရှိခဲ့သော ဤအယ်လ်ဘမ်သည် အဖွဲ့ဝင်များ စစ်မှုထမ်းကာလပြီးဆုံးပြီးနောက် အားလုံးပူးပေါင်းကာ ပထမဆုံးအကြိမ် ပြန်လည်ထုတ်လုပ်ခဲ့သည့် အယ်လ်ဘမ်ဖြစ်သည်။ ထွက်ရှိပြီးနောက် အမေရိကန် Billboard 200 အယ်လ်ဘမ်ဇယား၏ ထိပ်တန်း ၁၀ ခုစာရင်းအတွင်းသို့လည်း ပြန်လည်ဝင်ရောက်ကာ အားပေးမှု အရှိန်အဟုန် ကောင်းမွန်နေဆဲ ဖြစ်သည်။ နိုင်ငံတကာ ဂီတကျွမ်းကျင်သူများက ယခုအယ်လ်ဘမ်သည် ကိုရီးယားရိုးရာဂီတနှင့် ခေတ်ပေါ် Pop၊ Hip-hop အနုပညာတို့ကို ထူးခြားပြောင်မြောက်စွာ ပေါင်းစပ်ထားပြီး K-pop လောက၏ ဂီတစံနှုန်းကို တစ်ဆင့်မြှင့်တင်ပေးနိုင်ခဲ့ကြောင်း သုံးသပ်ဖော်ပြခဲ့ကြသည်။