နေပြည်တော်ရှိ သက်ကြီးရွယ်အို ၇၅ ဦးအား ရထားလက်မှတ်ခ ၅၀ ရာခိုင်နှုန်းလျှော့ပေါ့ခွင့် အပါအဝင် အကျိုးခံစားခွင့်များရရှိမည့် သက်သေခံကတ်ပြားများ ထုတ်ပေး

နေပြည်တော်၊ ဇမ္ဗူသီရိမြို့နယ်နှင့် ပျဉ်းမနားမြို့နယ်တို့ရှိ သက်ကြီးပုဂ္ဂိုလ် စုစုပေါင်း ၇၅ ဦးအား ရထားလက်မှတ်ခ ၅၀ ရာခိုင်နှုန်း လျှော့ပေါ့ခံစားခွင့်အပါအဝင် အကျိုးခံစားခွင့်များစွာ ပါဝင်သည့် သက်ကြီးရွယ်အို သက်သေခံကတ်ပြားများနှင့် အာဟာရဖြည့်စွက်စာများကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းက ဇွန် ၂၂ ရက် နံနက်ပိုင်းတွင် ထောက်ပံ့ပေးအပ်ခဲ့ကြောင်း သိရသည်။ ယင်းသို့ ထုတ်ပေးရာတွင် ဇမ္ဗူသီရိမြို့နယ် အောင်ဇမ္ဗူရပ်ကွက်မှ ၂၅ ဦး၊ ပျဉ်းမနားမြို့နယ် မင်္ဂလာရပ်ကွက်မှ ၂၀ ဦးနှင့် ရွှေချီရပ်ကွက်မှ ၃၀ ဦးတို့အား အသီးသီး ပေးအပ်ခဲ့ခြင်း ဖြစ်သည်။