တရုတ်နိုင်ငံ၊ရှန်ဟိုင်း၌ ၂၈ ကြိမ်မြောက်Gold Goblet နိုင်ငံတကာရုပ်ရှင်ပွဲတော် ကျင်းပခဲ့

တရုတ်နိုင်ငံ၏ ၂၈ ကြိမ်မြောက် ရှန်ဟိုင်းနိုင်ငံတကာရုပ်ရှင်ပွဲတော်၏ Gold Goblet ဆုရရှိသူများကို ဇွန်လ ၂၀ ရက် ညပိုင်းတွင် ရှန်ဟိုင်းမြို့၌ ကြေညာခဲ့ရာ၊ တရုတ်ရုပ်ရှင် "Atlantic Rhapsody" က အကောင်းဆုံးရုပ်ရှင်ဆုနှင့် အကောင်းဆုံးရုပ်ရှင်ဓာတ်ပုံဆု ဟူသည့် ဆုကြီးနှစ်ဆုကို ဆွတ်ခူးရရှိခဲ့ကြောင်း ဆင်ဟွာသတင်းအရ သိရသည်။ ထို့ပြင် ဘယ်လ်ဂျီယံရုပ်ရှင် "Iluminada" က အကောင်းဆုံးဒိုင်လူကြီးအဖွဲ့ဆုကို ရရှိခဲ့သည်။ရှန်ဟိုင်းနိုင်ငံတကာရုပ်ရှင်ပွဲတော်သည် တရုတ်နိုင်ငံ၏ တစ်ခုတည်းသော နိုင်ငံတကာ A အဆင့်သတ်မှတ်ချက်ဝင် ရုပ်ရှင်ပွဲတော်ဖြစ်သည်။ ယခုနှစ်ပွဲတော်ကာလအတွင်း Gold Goblet ရုပ်ရှင်ဖိုရမ်နှင့် “ရပ်ဝန်းနှင့် ပိုးလမ်းမ” ရုပ်ရှင်သီတင်းပတ် အစီအစဉ်များကိုလည်း ထည့်သွင်းကျင်းပခဲ့သည်။ ရုပ်ရှင်ပြသမှု အခမ်းအနားများကို ဇွန်လ ၂၈ ရက်အထိ ဆက်လက်ကျင်းပသွားမည်ဖြစ်ပြီး၊ ယခုနှစ်တွင် ပြည်တွင်းပြည်ပမှ ရုပ်ရှင်ဇာတ်ကားပေါင်း ၄၂၀ ကျော် ပါဝင်ပြသလျက်ရှိကြောင်း သိရသည်။