မကွေးတိုင်း ရေစကြိုနှင့် မန္တလေးတိုင်း မြင်းခြံမြို့နယ်တို့တွင် ကြွက်များသောင်းကျန်းမှုကြောင့် တောင်သူများ ဒုက္ခရောက်နေ

မကွေးတိုင်း ရေစကြိုနှင့် မန္တလေးတိုင်း မြင်းခြံမြို့နယ်ရှိ စိုက်ပျိုးမြေများတွင် ပိုးသတ်ဆေးနှင့် သွင်းအားစုများ မဖြည့်ဆည်းနိုင်မှုကြောင့် ဂေဟစနစ်ပျက်စီးကာ ကြွက်များ အဆမတန် ပွားများလာသဖြင့် တောင်သူများ သီးနှံဖျက်ဆီးခံရသည့် ဒုက္ခနှင့် ရင်ဆိုင်နေရသည်။ လက်ရှိတွင် နှမ်းနှင့် ပဲစိုက်ခင်းများကို ကြွက်ကောင်ရေ သောင်းနှင့်ချီ၍ ကိုက်ဖြတ်ဖျက်ဆီးနေပြီး၊ တစ်ဧကလျှင် ၄၈ နာရီမှ ၇၂ နာရီအတွင်း အလုံးစုံဖျက်ဆီးနိုင်သဖြင့် သီးနှံအထွက်နှုန်းများ အဆမတန်ကျဆင်းကာ လယ်သမားများ အခက်တွေ့နေကြောင်း သိရသည်။