ဗီယက်နမ်၊ ဟနွိုင်းမြို့သို့ ၂၀၂၆ ခုနှစ် ပထမနှစ်ဝက်အတွင်းပြည်ပခရီးသွားဝင်ရောက်မှု ၄.၆ သန်းကျော်အထိ စံချိန်တင်မြင့်တက်

ဗီယက်နမ်နိုင်ငံ၊ဟနွိုင်းမြို့တော် ခရီးသွားလုပ်ငန်းဌာန၏ ထုတ်ပြန်ချက်အရ ၂၀၂၆ ခုနှစ်၏ ပထမ ၆ လတာကာလအတွင်း ဟနွိုင်းမြို့သို့ လာရောက်လည်ပတ်ခဲ့သည့် ပြည်ပခရီးသည်ဦးရေသည် ၄.၆၄ သန်းအထိ ရှိခဲ့ပြီး ယခင်နှစ်ကာလတူထက် ၂၆.၈ ရာခိုင်နှုန်း သိသာထင်ရှားစွာ မြင့်တက်လာခဲ့သည်။ ဤကာလအတွင်း ပြည်တွင်းခရီးသွား ၁၃.၇ သန်းကျော် အပါအဝင် စုစုပေါင်းခရီးသွားဝင်ရောက်မှုသည် ၁၈.၃ သန်းကျော်အထိ ရှိခဲ့ပြီး ခရီးသွားကဏ္ဍမှ ဝင်ငွေစုစုပေါင်း ဒေါင် ၅၅ ထရီလီယံကျော် (ကန်ဒေါ်လာ ၂.၁ ဘီလီယံခန့်) ရှာဖွေပေးနိုင်ခဲ့သည်။ ကိုရီးယား၊ တရုတ်၊ အမေရိကန်နှင့် ဂျပန်နိုင်ငံတို့သည် ဟနွိုင်းသို့ အများဆုံးလာရောက်သည့် အဓိကဈေးကွက်များဖြစ်ပြီး ယခုကဲ့သို့ ခရီးသွားလုပ်ငန်း အရှိန်အဟုန်မြှင့် ဦးမော့လာခြင်းမှာ ဗီဇာဖြေလျှော့ပေးမှု မူဝါဒအသစ်များနှင့် မြို့တော်အတွင်း ယဉ်ကျေးမှုဆိုင်ရာ ပွဲတော်များ၊ အနုပညာပြပွဲများကို စဉ်ဆက်မပြတ် ဆွဲဆောင်ကျင်းပနိုင်ခဲ့ခြင်းကြောင့် ဖြစ်သည်။