ရတနာပုံအမျိုးသမီးအသင်းက ဖိလစ်ပိုင်တိုက်စစ်မှူး မာရီယာအပြင် နောက်ထပ် ဖိလစ်ပိုင်ကစားသမားနှစ်ဦးဖြစ်သည့် ပေါ်လင်ဆန်နှင့် ဘီယန်ကာတို့ကို ထပ်မံခေါ်ယူ

မြန်မာအမျိုးသမီးလိဂ်ပြိုင်ပွဲဝင် ရတနာပုံအမျိုးသမီးအသင်းသည် ယခင်ခေါ်ယူထားသည့် ဖိလစ်ပိုင်တိုက်စစ်မှူး မာရီယာ၏နောက်တွင် အတွေ့အကြုံရင့် ဖိလစ်ပိုင်အလယ်တန်းလူ ပေါ်လင်ဆန် (၂၆ နှစ်) နှင့် နောက်တန်းကစားသမား ဘီယန်ကာ (၂۲ နှစ်) တို့နှစ်ဦးကို ထပ်မံခေါ်ယူအားဖြည့်လိုက်ကြောင်း သိရသည်။ အဆိုပါကစားသမားများသည် အာရှအမျိုးသမီးချန်ပီယံလိဂ်နှင့် လူငယ်လက်ရွေးစင်ပြိုင်ပွဲများတွင် ပါဝင်ကစားဖူးသည့် အတွေ့အကြုံရှိသူများဖြစ်ကြပြီး၊ ရတနာပုံအသင်းသည် ယခုရာသီအတွက် ဖိလစ်ပိုင်ကစားသမား ၃ ဦးအထိ ခေါ်ယူထားပြီးဖြစ်ကာ မြန်မာ့လက်ရွေးစင် တိုက်စစ်မှူး ဝင်းသိင်္ဂီထွန်းကိုလည်း အသင်းခေါင်းဆောင်အဖြစ် ခေါ်ယူထားသည်။ လက်ရှိတွင် ရတနာပုံအသင်းနည်းတူ ဧရာဝတီနှင့် ဇွဲကပင်ယူနိုက်တက် အမျိုးသမီးအသင်းများကလည်း လာမည့်ရာသီအတွက် နိုင်ငံခြားသားကစားသမားများကို အပြိုင်အဆိုင် ခေါ်ယူအားဖြည့်လျက်ရှိကြောင်း သိရသည်။