အဆင့် ၄ ဆင့်ရှိသည့် စူပါအယ်လ်နီညို ထိုင်းကြုံနိုင်ကြောင်း ပညာရှင်သတိပေး

စူပါအယ်လ်နီညို (Super El Niño) ဖြစ်ပွားနိုင်သည့် လက္ခဏာများ ပိုမိုထင်ရှားလာနေပြီး ယနေ့မှစတင်ကာ ရေစီမံခန့်ခွဲမှုကို အရှိန်အဟုန်မြှင့် မဆောင်ရွက်ပါက ရှေ့လာမည့်လများတွင် မိုးခေါင်ရေရှားမှုနှင့် အလွန်အမင်းပူပြင်းမှုဒဏ်ကို ပြင်းထန်စွာ ခံစားရနိုင်ကြောင်း ပင်လယ်ပြင်ဂေဟစနစ်ကျွမ်းကျင်သူ ဒေါက်တာသွန်သံရွန်နာဝါဆာဝတ်က သတိပေးပြောကြားခဲ့သည်။ ၎င်းဖြစ်စဉ်ကို အဆင့် ၄ ဆင့်ဖြင့် ခွဲခြားထားပြီး ဇွန်လမှစတင်ကာ ပြင်းထန်မှုအရှိန် တဖြည်းဖြည်းမြင့်တက်လာမည်ဖြစ်ရာ၊ ၂၀၂၇ ခုနှစ် ဖေဖော်ဝါရီလမှ မေလအထိဖြစ်သော အဆင့် (၄) အထွတ်အထိပ်ကာလတွင် ထိုင်းနိုင်ငံ၌ ခံစားရသည့်အပူချိန် (feels-like temperature) သည် ၅၀ ဒီဂရီဆဲလ်စီးယပ်စ်အထိ ရောက်ရှိသွားနိုင်ကြောင်း သိရသည်။ အဆိုပါအခြေအနေကြောင့် တောမီးလောင်ခြင်း၊ PM2.5 လေထုညစ်ညမ်းခြင်း၊ သန္တာကျောက်တန်းများ အရောင်ချွတ်ခြင်းနှင့် စိုက်ပျိုးရေး/ရေလုပ်ငန်းများအပေါ် ကျယ်ကျယ်ပြန့်ပြန့် ထိခိုက်နိုင်သဖြင့် အာဏာပိုင်များနှင့် ပြည်သူများအနေဖြင့် လက်ရှိပထမအဆင့်ကာလကတည်းက အရန်ရေကို အမြန်ဆုံးစုဆောင်းကာ ကြိုတင်ပြင်ဆင်ထားကြရန် တိုက်တွန်းထားကြောင်း သိရသည်။