ကယားပြည်နယ်အစိုးရအဖွဲ့က ဖားဆောင်းနှင့် မော်ချီးဒေသမှ ယာယီနေရပ်စွန့်ခွာပြည်သူ ၈၀၀ ကျော်အတွက် အခြေခံစားသောက်ကုန်များ ထောက်ပံ့

ကယားပြည်နယ်အစိုးရအဖွဲ့က ဖားဆောင်းမြို့နယ်မှ ပြည်သူ ၅၅၀ ဦးနှင့် မော်ချီးဒေသမှ ပြည်သူ ၂၉၅ ဦး (စုစုပေါင်း ၈၄၅ ဦး) အတွက် တစ်ဦးလျှင် ဆန် ၈ ပြည်၊ ဆီ ၅၀ ကျပ်သားနှုန်းဖြင့် ဆန် ၂၈၂ အိတ်နှင့် ဆီ ၄၂၃ ပိဿာကို ထောက်ပံ့ပေးအပ်ခဲ့ကြောင်း သိရသည်။ အဆိုပါ ထောက်ပံ့ပေးအပ်ပွဲ အခမ်းအနားကို ဇွန်လ ၁၉ ရက်က လွိုင်ကော်မြို့ ပြည်နယ်ခန်းမ၌ ကျင်းပခဲ့ရာ ပြည်နယ်ဝန်ကြီးချုပ် ဦးအံ့မော်နှင့် ပြည်နယ်အစိုးရအဖွဲ့ဝင် တာဝန်ရှိသူများ၊ ဌာနဆိုင်ရာများနှင့် ဒေသခံပြည်သူများ တက်ရောက်ခဲ့ကြကြောင်း သိရသည်။