ရှမ်းပြည်နယ် (အရှေ့ပိုင်း) တာချီလိတ်မြို့နယ်၊ ကျိုင်းလပ်မြို့နယ်ခွဲ မိုင်းပါလျှိုးကျေးရွာအုပ်စု၊ ဝမ်လန်းကျေးရွာအနီးတွင် တရားမဝင် ရွှေတူးဖော်နေသည့် ပြည်ပနိုင်ငံသား ၁၉ ဦးကို လုပ်ငန်းသုံးပစ္စည်းများနှင့်အတူ ဇွန် ၁၉ ရက်က ဖမ်းဆီးရမိခဲ့ပါတယ်။ဖမ်းဆီးရမိသူများတွင် တရုတ်နိုင်ငံသား ၁၇ ဦးနှင့် လာအိုနိုင်ငံသား ၂ ဦး ပါဝင်ကြောင်း သိရသည်။အဆိုပါဒေသ၌ တရားမဝင် ရွှေတူးဖော်မှုများ ပြုလုပ်နေကြောင်း သတင်းရရှိချက်အရ နယ်မြေရှင်းလင်းရေး ဆောင်ရွက်ခဲ့ရာမှ ဖမ်းဆီးရမိခဲ့ခြင်းဖြစ်ကာဖြစ်စဉ်နှင့်ပတ်သက်၍ တရားမဝင် ရွှေတူးဖော်ရာတွင် အသုံးပြုသည့် စက်ယန္တရားများနှင့် ဆက်စပ်ပစ္စည်းများကို လုပ်ထုံးလုပ်နည်းနှင့်အညီ သက်ဆိုင်ရာဌာနများထံ လွှဲပြောင်းအပ်နှံခြင်းနှင့် လိုအပ်သည့် ပစ္စည်းများကို စနစ်တကျ ဖျက်ဆီးခြင်းလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။
