မွန်ပြည်နယ်အတွင်း ရေချို ငါး၊ ပုဇွန် မွေးမြူရေးလုပ်ငန်းများ တိုးချဲ့လုပ်ဆောင်နိုင်ရေး ပြည်နယ်ဝန်ကြီးချုပ် မှာကြား

မွန်ပြည်နယ်အတွင်း ရေချို ငါး၊ ပုဇွန် မွေးမြူရေးလုပ်ငန်းများ တိုးချဲ့လုပ်ဆောင်နိုင်ရေး၊ ငါးစားသုံးမှု ဖူလုံပိုလျှံစေရေးနှင့် ဒေသခံများအတွက် အလုပ်အကိုင်အခွင့်အလမ်းများ ပိုမိုရရှိလာစေရေးအတွက် ဆောင်ရွက်ကြရန် ပြည်နယ်ဝန်ကြီးချုပ် ဦးအောင်ဝင်းသန်းက မှာကြားခဲ့ကြောင်း သိရသည်။ မွန်ပြည်နယ်ဝန်ကြီးချုပ်နှင့် အစိုးရအဖွဲ့ဝင် ဝန်ကြီးများသည် ဇွန်လ ၁၈ ရက် နံနက်ပိုင်းက သထုံမြို့ရှိ ပြည်နယ်ငါးလုပ်ငန်းစခန်းသို့ ရောက်ရှိစစ်ဆေးစဉ် တာဝန်ရှိသူများကို ထိုကဲ့သို့ လမ်းညွှန်မှာကြားခဲ့ခြင်း ဖြစ်သည်။