ဩစတြေးလျရှိ ကာဒီရာရွှေတွင်း၌ ပြင်းအား ၃.၄ အဆင့်ရှိ ငလျင်လှုပ်ခတ်မှုကြောင့် လုပ်ငန်းများ ခေတ္တရပ်နားထားရ

ဩစတြေးလျနိုင်ငံ နူးဆော့သ်ဝေးလ်ပြည်နယ် ဆစ်ဒနီမြို့အနောက်ဘက် ၂၁၀ ကီလိုမီတာအကွာရှိ ကာဒီရာရွှေတူးဖော်မှုဇုံတွင် ဇွန်လ ၁၉ ရက် သောကြာနေ့အစောပိုင်းက ပြင်းအား ၃.၄ အဆင့်ရှိ မြေအောက်ငလျင်တစ်ခု လှုပ်ခတ်ခဲ့သောကြောင့် ရွှေတွင်းလုပ်ငန်းများကို ခေတ္တရပ်နားထားကြောင်း သိရသည်။ ငလျင်သည် မြေအောက်အနက် ၁ ကီလိုမီတာကို ဗဟိုပြုလှုပ်ခတ်ခဲ့ခြင်းဖြစ်ပြီး သတ္တုတွင်းပိုင်ရှင် နူးမောင့်တ်ကော်ပိုရေးရှင်း၏ ထုတ်ပြန်ချက်အရ မြေအောက်တွင် တာဝန်ထမ်းဆောင်နေသည့် ဝန်ထမ်းများအားလုံးကို မြေပြင်ပေါ်သို့ ဘေးကင်းစွာ ရွှေ့ပြောင်းပေးနိုင်ခဲ့ကာ ထိခိုက်ဒဏ်ရာရရှိမှု တစ်စုံတစ်ရာမရှိကြောင်း သိရှိရသည်။