Myanmar Women's League 2026-27 အဖွင့်ပွဲစဉ်များ ပြီးဆုံး၊ ဂိုးကွာခြားချက်အသာဖြင့် ဧရာဝတီအက်ဖ်စီ အမှတ်ပေးဇယား ထိပ်ဆုံးမှ ဦးဆောင်

Myanmar Women's League 2026-27 ပြိုင်ပွဲ၏ ပတ်စဉ် (၁) အဖွင့်ပွဲစဉ်များကို ဇွန်လ ၁၅ ရက်မှ ၁၈ ရက်အထိ ကျင်းပခဲ့ပြီးနောက် ဧရာဝတီအက်ဖ်စီအသင်းက ရမှတ် ၃ မှတ်၊ ဂိုးကွာခြားချက်အသာဖြင့် အမှတ်ပေးဇယား ထိပ်ဆုံးနေရာတွင် ရပ်တည်လျက်ရှိကြောင်း မြန်မာအမျိုးသမီးလိဂ်ကော်မတီထံမှ သိရသည်။ ၎င်းတို့နှင့်အတူ ISPE အသင်း၊ ယခုရာသီပြိုင်ပွဲဝင်အသင်းသစ် ဇွဲကပင်အက်ဖ်စီအသင်း၊ ရန်ကုန်ယူနိုက်တက်အသင်းနှင့် Young Lionesses FC အသင်းတို့ကလည်း အဖွင့်ပွဲစဉ်များတွင် အသီးသီးအနိုင်ရရှိကာ ရမှတ် ၃ မှတ်စီ တူညီစွာရရှိထားကြသော်လည်း ဂိုးကွာခြားချက်အရ အဆင့် (၂) မှ အဆင့် (၅) နေရာများတွင် အသီးသီး ရပ်တည်နေကြကြောင်း သိရသည်။