ပုဂံဒေသ ခရီးသွားလုပ်ငန်းမြှင့်တင်ရေးနှင့် ဒေသလုံခြုံရေးတိုးမြှင့်ရေး ဆောင်ရွက်နေ

ရန်ကုန်မြို့၌ ကျင်းပလျက်ရှိသည့် Mekong Tourism Forum 2026 တွင် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးမောင်မြင့်က ပုဂံဒေသ၏ ခရီးသွားလုပ်ငန်း ပိုမိုဖွံ့ဖြိုးတိုးတက်လာစေရန်အတွက် ခရီးသွားမြှင့်တင်ရေး (Promotion) လုပ်ငန်းများကို ဆောင်ရွက်လျက်ရှိသည့်အပြင်၊ ဒေသတွင်းလုံခြုံရေးအားကောင်းစေရေးကိုလည်း နည်းလမ်းပေါင်းစုံဖြင့် ကြိုးပမ်းအကောင်အထည်ဖော် ဆောင်ရွက်နေကြောင်း ပြောကြားခဲ့သည်။ ထို့ပြင် ပြည်ထောင်စုဝန်ကြီးက ပုဂံဒေသသည် ကမ္ဘာလှည့်ခရီးသွားများအတွက် လုံခြုံစိတ်ချရသည့် ခရီးစဉ်ဒေသတစ်ခုဖြစ်ကြောင်းကိုလည်း ထပ်လောင်းအတည်ပြု ပြောကြားခဲ့သည်။