ရှမ်းပြည်နယ်တောင်ပိုင်း တောင်ကြီးမြို့တွင် မူးယစ်ဆေးဝါးအုပ်စုဝင်ဖြစ်သည့် ဘိန်းစာရွက်ပြုတ်ရည် (ကထွမ့်ရည်) ရောင်းဝယ်သုံးစွဲမှုများ ယခင်ထက် ပိုမိုတွင်ကျယ်လာကြောင်း ဒေသခံများထံမှ သိရသည်။ အိမ်နီးချင်း ထိုင်းနိုင်ငံဘက်မှ တရားမဝင်လမ်းကြောင်းများဖြင့် ဝင်ရောက်လာသော အဆိုပါ ကထွမ့်ရည်ကို လူငယ်များအကြား သောက်သုံးမှု မြင့်တက်နေပြီး၊ အချို့နေရာများတွင် ပေါ်ပေါ်ထင်ထင် ရောင်းချနေသည့်အပြင် စားသောက်ဆိုင်နှင့် ဘီယာဆိုင်အချို့တွင်လည်း တွဲဖက်ရောင်းချမှုများ ရှိနေသည်။ ဘိန်းစာရွက်ကို ချက်ပြုတ်၍ အချိုရည်၊ ကဖင်းနှင့် အခြားဆေးဝါးများ ရောစပ်ထားသည့် ကထွမ့်ရည်သည် ရေရှည်သုံးစွဲပါက ကျန်းမာရေးပြင်းထန်စွာ ထိခိုက်နိုင်ပြီး အသက်အန္တရာယ်ရှိနိုင်သဖြင့် သက်ဆိုင်ရာက ဆိုင်များကို ပိုမိုတင်းကြပ် ကန့်သတ်ပေးရန် ပြည်သူများက လိုလားနေကြသည်။
