ထိုင်းနိုင်ငံတွင် ကွယ်လွန်သူ အသက် ၇၈ နှစ်အရွယ် လယ်သမားအဖိုးအိုတစ်ဦး ၎င်း၏ စက်ပြင်ပုံးထဲ၌ မိသားစုအတွက် ဘတ် ၂ သန်းနီးပါးနှင့် ရွှေဆွဲကြိုးတစ်ကုံး ထားရစ်ခဲ့

ထိုင်းနိုင်ငံ အူထုံဌာနီခရိုင် နောင်တမ်ရွာမှ အသက် ၇၈ နှစ်အရွယ် လယ်သမားအဖိုးအို ဆန်ဒေါင်းသည် ဇွန်လ ၁၃ ရက်က ကွယ်လွန်သွားခဲ့ပြီးနောက်၊ ၎င်းတစ်သက်လုံး အသုံးအစွဲအလွန်ချွေတာကာ ကိုင်တွယ်အသုံးပြုခဲ့သည့် စက်ပြင်ပုံးအတွင်းမှ မည်သူမျှမထင်မှတ်ထားဘဲ ငွေသားဘတ် ၁ ဒသမ ၈၄ သန်းနှင့် ရွှေဆွဲကြိုးတစ်ကုံးတို့ကို မိသားစုဝင်များက ရှာဖွေတွေ့ရှိခဲ့ကြောင်း သိရသည်။ တစ်ဘဝလုံး ခေါက်ဆွဲတစ်ပွဲဝယ်စားရန်ပင် ဝန်လေးခဲ့ပြီး ချွေတာစုဆောင်းကာ မိသားစုအတွက် ထားရစ်ပေးခဲ့သော အဖိုးအို၏ လုပ်ရပ်အပေါ် လူမှုကွန်ရက်တွင် ချီးကျူးမှုများ ရှိနေကြပြီး၊ သားသမီးနှင့် မြေးများက ထိုငွေများအားလုံးကို အသက် ၇၄ နှစ်အရွယ် အဖွားဖြစ်သူ သုံးစွဲရန်နှင့် ကျန်းမာရေးစောင့်ရှောက်ရန်အတွက်သာ အသုံးပြုရန် သဘောတူဆုံးဖြတ်ခဲ့ကြကြောင်း သိရသည်။