မြောင်းတကာစက်မှုဇုန်ရှိ သံရည်ကျိုလုပ်ငန်း၏ တရားမဝင် လျှပ်စစ်ဓာတ်အားသုံးစွဲမှုကို ဖော်ထုတ်ခဲ့သည့် ဝန်ထမ်း ၆ ဦးအား ဂုဏ်ပြုမှတ်တမ်းလွှာပေးအပ်

ရန်ကုန်တိုင်းဒေသကြီး၊ မှော်ဘီမြို့နယ်၊ မြောင်းတကာစက်မှုဇုန်ရှိ ZON TAI STEEL Co.,Ltd သံရည်ကျိုလုပ်ငန်းတွင် တရားမဝင် ဓာတ်အားရယူသုံးစွဲနေမှုကို မြေပြင်ကွင်းဆင်းစစ်ဆေးကာ ရဲရဲဝံ့ဝံ့ ဖော်ထုတ်နိုင်ခဲ့သည့် လျှပ်စစ်နှင့်စွမ်းအင်ဝန်ကြီးဌာနမှ ဝန်ထမ်း (၆) ဦးအား ဇွန်လ ၁၅ ရက် (ယနေ့) တွင် ပြည်ထောင်စုဝန်ကြီးက ချီးမြှင့်သည့် ချီးကျူးဂုဏ်ပြုမှတ်တမ်းလွှာများကို ရန်ကုန်လျှပ်စစ်ဓာတ်အားပေးရေးကော်ပိုရေးရှင်း ဥက္ကဋ္ဌက ပေးအပ်ချီးမြှင့်ခဲ့ကြောင်း သိရသည်။