လာမည့် ၂၀၂၆ -၂၀၂၇ ရာသီ မြန်မာအမျိုးသမီးလိဂ် (Myanmar Women's League) တွင် အကောင်းဆုံးပုံစံဖြင့် ယှဉ်ပြိုင်နိုင်ရန်အတွက် မြဝတီအမျိုးသမီးဘောလုံးအသင်းသည် အသင်း၏ အဓိက ကစားသမားဟောင်းများကို စာချုပ်အသစ်ပြန်လည်ချုပ်ဆိုကာ ပြင်ဆင်စုဖွဲ့မှုများ စတင်ပြုလုပ်နေပြီဖြစ်ကြောင်း သိရသည်။မြဝတီအသင်းသည် ပြီးခဲ့သည့် ၂၀၂၅- ၂၀၂၆ ရာသီတွင် အသင်းအတွက် အကောင်းဆုံးခြေစွမ်းပြသကာ ကြိုးစားပေးခဲ့သည့် ကစားသမားများကို ဆက်လက်ထိန်းသိမ်းသည့်အနေဖြင့် ယခုကဲ့သို့ စာချုပ်သက်တမ်းတိုးခြင်းဖြစ်သည်ဟုဆိုသည်။အဆိုပါ ကစားသမားကောင်းများကို ဆက်လက်ထိန်းသိမ်းနိုင်ခဲ့ခြင်းသည် လာမည့်ရာသီသစ်တွင် အသင်းရှေ့ဆက်ရမည့် ခရီးလမ်းအောင်မြင်မှုများအတွက် အင်အားတစ်ရပ် ဖြစ်လာလိမ့်မည်ဟုလည်း မြဝတီအသင်းက ပြောကြားထားသည်။ လက်ရှိတွင် မြဝတီအမျိုးသမီးဘောလုံးအသင်းသည် ရာသီသစ်တွင် အကောင်းဆုံးရလဒ်များ ဖော်ဆောင်ပေးနိုင်ရန် ရည်ရွယ်ကာ လေ့ကျင့်ပြင်ဆင်မှုများ ပြုလုပ်နေပြီဖြစ်ကြောင်း ထုတ်ပြန်ထားသည်။
မြန်မာအမျိုးသမီး လိဂ်ရာသီသစ်အတွက် မြဝတီအသင်း ပြင်ဆင်မှုစတင်၊ ကစားသမားဟောင်းများကို စာချုပ်သစ် ချုပ်ဆို
May 16 • 6:33 AM
Myanmar
Local
Share
| 45 | 0 | 0 | 0 |


