မလေးရှားနိုင်ငံ အနောက်ဘက်ကမ်းရိုးတန်းရှိ Pangkor ကျွန်းအနီးတွင် အင်ဒိုနီးရှားနိုင်ငံမှ ဖြစ်နိုင်သော စာရွက်စာတမ်းမရှိသည့် ရွှေ့ပြောင်းအလုပ်သမား (၃၇) ဦးကို သယ်ဆောင်လာသော လှေတစ်စီး မြုပ်ကျသွားခဲ့ပြီး၊ ယခုအချိန်တွင် လူ (၁၄) ဦးကို မတွေ့ရှိသေးကြောင်း မလေးရှား အာဏာပိုင်များက ပြောကြားသည်။ Perak ပြည်နယ်ရှိ မလေးရှားရေကြောင်းကာကွယ်ရေးအဖွဲ့ (MMEA)က မေ (၁၁) ရက် တနင်္လာနေ့ မနက်အစောပိုင်းတွင် ဒေသခံငါးဖမ်းသမားတစ်ဦးမှ ပင်လယ်တွင် လှေမှ အသက်ရှင်ကျန်ရစ်သူများကို တွေ့ရှိကြောင်း သတင်းပေးခဲ့ပြီးနောက် အာဏာပိုင်များ သိရှိခဲ့ခြင်းဖြစ်ကြောင်း သိရသည်။



