ရှမ်းပြည်နယ်တောင်ပိုင်း၊ ကလောမြို့နယ် ရှိ အင်းပြင်လမ်းတွင် မိုးရွာသွန်းမှုကြောင့် လမ်းချော်ခြင်းနှင့် အရှိန်ပြင်းစွာ ကျော်တက်ခြင်းတို့ကြောင့် ယာဉ်တိုက်မှု ၃ ကြိမ် ဆက်တိုက်ဖြစ်ပွားခဲ့သည်။မေလ ၁၀ ရက် ညနေပိုင်းက အိမ်စီးကားတစ်စီးနှင့် တွဲကားတစ်စီး တိုက်မိခဲ့ပြီး အိမ်စီးကားမှာ အရှေ့ပိုင်း ပျက်စီးသွားခဲ့သည်။ယခု မေလအတွင်း အဆိုပါလမ်းပိုင်း၌ ယာဉ်တိုက်မှု ၃ ကြိမ်ထက်မနည်း ဖြစ်ပွားထားသဖြင့် ကလော-အင်းပြင်လမ်းကို အသုံးပြုနေသည့် ယာဉ်မောင်းများအနေဖြင့် မိုးရာသီ လမ်းချော်မှုကို သတိပြုရန်နှင့် အကွေ့အဆင်းများတွင် အရှိန်လျှော့မောင်းနှင်ကြရန် ဒေသခံများက တိုက်တွန်းထားကြသည်။
