စစ်ကိုင်းတိုင်းအထက်ပိုင်း၊ ကသာခရိုင်တွင် သကြားစက်ရုံများက ကြံဝယ်ယူမှု လျှော့ချခြင်းကြောင့် တောင်သူများ ကြံခင်းများကို မီးရှို့ဖျက်ဆီးနေရ

စစ်ကိုင်းတိုင်းအထက်ပိုင်း၊ ကသာခရိုင်ရှိ သကြားစက်ရုံအချို့ လည်ပတ်နိုင်ခြင်းမရှိခြင်းနှင့် ကြိတ်ဝါးတန်ချိန် လျှော့ချခြင်းတို့ကြောင့် တောင်သူများအနေဖြင့် ရောင်းချ၍မရသော ကြံခင်းများကို မီးရှို့ဖျက်ဆီးပစ်နေရကြောင်း သိရှိရပါသည်။ အဆိုပါဒေသတွင် နှစ်စဉ် ကြံတန်ချိန် ၁၂ သိန်းကျော် ထွက်ရှိသော်လည်း ယခုနှစ်တွင် တန်ချိန် ၅ သိန်းအောက်သာ ဝယ်ယူနိုင်ခဲ့သဖြင့် ဧကသောင်းနှင့်ချီသော ကြံခင်းများ ဆုံးရှုံးခဲ့ရပြီး၊ စက်ရုံများဘက်ကမူ နယ်မြေမတည်ငြိမ်မှုနှင့် လမ်းပန်းဆက်သွယ်ရေး အခက်အခဲများကြောင့် သကြားရောင်းချရန် ခက်ခဲခြင်းနှင့် ကုန်ကြမ်းမပြည့်စုံခြင်းတို့ကြောင့်ဟု ဆိုပါသည်။ ကြံဝယ်ယူဈေးနည်းပါးခြင်းနှင့် အရှုံးပေါ်ခြင်းတို့ကြောင့် လာမည့်နှစ်တွင် ကြံစိုက်ပျိုးမှုများ လျှော့ချသွားရန် တောင်သူများက စီစဉ်နေကြကြောင်း သိရှိရပါသည်။