ငလျင်ဒဏ်ကြောင့် ပျက်စီးခဲ့သည့် နေပြည်တော်ကျောက်မျက်ပြတိုက်ကို ငလျင်ဒဏ်ခံစံချိန်စံညွှန်းများနှင့်အညီ အကြီးစားပြုပြင်နေ

မန္တလေးငလျင်ကြောင့် အဆောက်အအုံပိုင်း ပျက်စီးမှုရှိခဲ့သည့် နေပြည်တော်ရှိ မြန်မာ့ကျောက်မျက်ရတနာပြတိုက်ကို သဘာဝဘေးအန္တရာယ်ဒဏ် ခံနိုင်ရည်ရှိစေရန် အကြီးစားပြုပြင်တည်ဆောက်လျက်ရှိရာ၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦးက မေလ ၉ ရက်နေ့တွင် သွားရောက်စစ်ဆေးခဲ့ပြီး အဆောက်အအုံ၏ အခြေခံဖောင်ဒေးရှင်း၊ တိုင်နှင့် ရက်မများ ကြံ့ခိုင်မှုရှိစေရေး အလေးထားဆောင်ရွက်ရန် ညွှန်ကြားခဲ့ကြောင်း သိရှိရပါသည်။