ရန်ကုန်တွင် မိုးတိမ်တောင်ဖြစ်ပေါ်နေ၊ လေပြင်းနှင့် မိုးသီးကြွေနိုင်ခြေရှိသဖြင့် အထူးသတိပြုရန် လိုအပ်

ရန်ကုန်တိုင်းဒေသကြီးအတွင်း မိုးတိမ်တောင်များဖြစ်ထွန်းနေပြီး အဆိုပါတိမ် တောင်များ ရွေ့လျားရာလမ်းကြောင်းတစ်လျှောက်၌ လေပြင်းတိုက်ခတ်ခြင်း၊မိုးထစ်ချုန်းခြင်း၊ မိုးကြိုးပစ်ခြင်း၊လျှပ်စီးလက်ခြင်းနှင့် မိုးသီးကြွေခြင်း များဖြစ်ပေါ်နိုင်သည်သဖြင့် ကြိုတင်သတိပြုကြရန် ယနေ့တွင် မိုးလေဝသနှင့်ဇလဗေဒညွှန်ကြားမှုဦးစီးဌာနက အသိ ပေးထားသည်။ထို့ပြင်  မေ (၈) ရက်အတွက် ထုတ်ပြန်ချက်အရ မြန်မာနိုင်ငံတစ်ဝှမ်း နေရာအနှံ့အပြားတွင် မိုးထစ်ချုန်းရွာနိုင်ပြီး ရန်ကုန်၊ မန္တလေးနှင့်တနင်္သာရီတိုင်းတို့၌ မိုးရွာသွန်ရန် ရာခိုင်နှုန်း ၈၀ အထိ ရှိသည်ဟုဆိုသည်။အလားတူ တိုင်းနှင့်ပြည်နယ်အလိုက် မိုးရွာသွန်းမှု အခြေအနေမှာ တနင်္သာရီ တိုင်းဒေသကြီးနေရာကျဲကျဲ၊ စစ်ကိုင်း၊ ကချင်၊ ကရင်၊ ချင်း၊ မွန်နှင့် ရှမ်းပြည်နယ်(မြောက်ပိုင်း)နေရာကွက်ကျား ရွာသွန်းန်ုင်ကာ ကျန်တိုင်းဒေသကြီးနှင့် ပြည်နယ်များနှင့် နေပြည်တော်တွင် ရွာရန်ရာခိုင်နှုန်း ၆၀ ရှိကြောင်း အသိပေးထားသည်။