ချောင်းမငယ်ဆည်မှ နေပြည်တော်သို့ တစ်ရက် ရေဂါလန် ၉၄ သိန်းပေးဝေ၊ နွေစပါးစိုက်ဧက ၄၇၀၀ ကျော် အောင်မြင်စွာစိုက်ပျိုးပြီးစီး

ချောင်းမငယ်ဆည် ရေသောက်စနစ်အတွင်းရှိ ဆင်အုံကန်မှတစ်ဆင့် နေပြည်တော် စည်ပင်သာယာရေးကော်မတီသို့ တစ်ရက်လျှင် မြို့ပြသောက်သုံးရေ ဂါလန် ၉၄ သိန်း ပေးဝေလျက်ရှိကြောင်း သိရသည်။ထို့ပြင် ချောင်းမငယ်ဆည်ရေသောက်ဧရိယာအတွင်း (၂၀၂၅-၂၀၂၆) ခုနှစ် နွေစပါးနှင့် နွေသီးနှံများ အချိန်မီစိုက်ပျိုးနိုင်ရေးအတွက် မတ် ၁ ရက်မှစတင်ကာ တူးမြောင်းမကြီးနှင့် လက်တံမြောင်းများမှ ရေအလေအလွင့်နည်းပါးစွာဖြင့် စနစ်တကျ စီမံကာ စိုက်ပျိုးရေပေးဝေလျက်ရှိကြောင်း သိရသည်။လက်ရှိတွင် နွေစပါး ၄၂၆၆ ဧကနှင့် နွေသီးနှံ ၄၄၁ ဧက၊ စုစုပေါင်း စိုက်ဧက ၄၇၀၇ ဧက စိုက်ပျိုးပြီးစီးထားကြောင်း သိရသည်။ချောင်းမငယ်ရေလှောင်တမံ၏ မေ ၆ ရက်အထိ သိုလှောင်ရေပမာဏမှာ ၇၅၂၅၄ ဧကပေရှိပြီး နွေစပါးနှင့် နွေသီးနှံစိုက်ဧကများအတွက် စိုက်ပျိုးရေလုံလောက်စွာ ပေးဝေနိုင်မည်ဖြစ်ကြောင်း တာဝန်ရှိသူများက ပြောသည်။