ဘန်ကောက်မြို့ရှိ Wat Arun တွင် ဓာတ်ပုံဆရာများက ခရီးသွားများကို နေရာဖယ်ခိုင်းသည့်ဖြစ်ရပ် ထပ်မံဖြစ်ပွား

ဘန်ကောက်မြို့ရှိ ဝတ်အာရွန်း (Wat Arun) ဘုရားကျောင်းတွင် ဓာတ်ပုံဆရာအချို့က ၎င်းတို့၏ ဖောက်သည်များ ဓာတ်ပုံရိုက်ရန်အတွက် အခြားကမ္ဘာလှည့်ခရီးသွားများကို နေရာဖယ်ခိုင်းသည့်ကိစ္စ လူမှုကွန်ရက်ပေါ်တွင် ပြင်းထန်စွာ ဝေဖန်ခံနေရသည်။ မေလ ၅ ရက်နေ့မှစတင်၍ ပျံ့နှံ့လာသည့် အဆိုပါဖြစ်ရပ်ကြောင့် အများပြည်သူဆိုင်ရာနေရာများကို ကိုယ်ပိုင်နေရာကဲ့သို့ ပြုမူခြင်းသည် ထိုင်းနိုင်ငံ၏ ခရီးသွားလုပ်ငန်းပုံရိပ်ကို ထိခိုက်စေနိုင်ကြောင်း ထောက်ပြနေကြသည်။ ယခင်ကလည်း အလားတူပြဿနာများကြောင့် စည်းကမ်းချက်များ သတ်မှတ်ခဲ့ဖူးသော်လည်း လက်တွေ့တွင် ထိရောက်မှုမရှိသေးဘဲ ခရီးသွားရဲတပ်ဖွဲ့အနေဖြင့် ဝင်ရောက်အရေးယူပေးရန် တောင်းဆိုမှုများရှိနေသော်လည်း ဘုရားကျောင်းဘက်မှ တစ်စုံတစ်ရာ တရားဝင်တုံ့ပြန်ပြောကြားခြင်း မရှိသေးကြောင်း သိရှိရပါသည်။