ကျိုက္ခမိမြို့တွင် ကူးစက်ဝမ်းရောဂါဖြစ်ပွား၊ ကူးစက်မှုမြန်နေ

မွန်ပြည်နယ်၊ သံဖြူဇရပ်မြို့နယ်၊ ကျိုက္ခမိမြို့တွင် ကူးစက်ဝမ်းရောဂါဖြစ်ပွားနေပြီး ကူးစက်မှုမြန်နေကြောင်း ဒေသခံများ၏ ပြောပြချက်အရ သိရသည်။ဧပြီလ ၃၀ ရက်နေ့ နေလည်ပိုင်းက ကူးစက်ဝမ်းရောဂါဖြစ်သူများ ကျိုက္ခမိဆေးရုံသို့ ရောက်ရှိလာခြင်းဖြစ်ပြီး ဆေးရုံသို့ ရောက်ရှိလာသည့် ကူးစက်ဝမ်းရောဂါဖြစ်ပွာသူများမှာ အောင်သုခရပ်ကွက်ရှိ ရေလုပ်သားများဖြစ်သည်ကြောင်း ဒေသခံတစ်ဦးက ပြောသည်။ရေလုပ်သား ၅ ဦး ဆေးရုံသို့ ရောက်ရှိလာပြီး လေးဦးကို မော်လမြိုင်ဆေးရုံကြီးသို့ ဆက်လက်ပို့ဆောင်ခဲ့ရကြောင်း ၎င်းက ဆိုသည်။လက်ရှိတွင် ဝမ်းရောဂါကူးစက်ခံထားရသူ ၃၀ ဦးခန့်ရောက်ရှိနေပြီး ဆေးရုံတွင် လုံခြုံရေးတင်းကျပ်ထားကြောင်း သိရသည်။