မလေးရှားမှ ယူအေအီးနိုင်ငံ၊မက္ကာမြို့သို့လာသော ခရီးသွားများအတွက် နေအိမ်ကို လွမ်းဆွတ်မှုပြေပျောက်စေမည့် ရိုးရာအစားအစာများကို ဘောလုံးသမားဟောင်းတစ်ဦး စီစဉ်ပေးနေ

မလေးရှားလက်ရွေးစင် ဘောလုံးသမားဟောင်းတစ်ဦးဖြစ်သူ Ahmad Shahrul Azhar သည် ဆော်ဒီအာရေးဗီးယားနိုင်ငံ၊ မက္ကာမြို့သို့ ရောက်ရှိနေသည့် မလေးရှားဘုရားဖူးများအတွက် ၎င်းတို့၏ နေရပ်ဒေသ အစားအစာများကို လွမ်းဆွတ်တမ်းတမှု လျော့ပါးစေရန် ရည်ရွယ်ချက်ဖြင့် မလေးရှားရိုးရာ အစားအစာများကို ကိုယ်တိုင်ချက်ပြုတ် ရောင်းချပေးနေပါသည်။ အသက် ၅၁ နှစ်အရွယ်ရှိ Shahrul သည် ဘောလုံးလောကမှ အနားယူပြီးနောက် ယခုနှစ် ဟာ့ဂ်ျရာသီတွင် မက္ကာမြို့၌ "Dapur Shahrul" ဟု အမည်ပေးထားသည့် စားသောက်ဆိုင်ငယ်လေးကို ဖွင့်လှစ်ခဲ့ခြင်း ဖြစ်ပါသည်။၎င်းသည် Nasi Lemak၊ Mee Goreng နှင့် အခြားသော မလေးရှားအရသာစစ်စစ်များကို ဘုရားဖူးများအတွက် အထူးပြင်ဆင်ပေးနေခြင်းဖြစ်ပြီး၊ အထူးသဖြင့် ကာလရှည်ကြာစွာ နေရပ်နှင့် ဝေးကွာနေသူများအတွက် မိခင်နိုင်ငံ၏ အရသာကို ပြန်လည်ခံစားရရှိစေရန် စေတနာရှေ့ထား၍ ဆောင်ရွက်ပေးနေခြင်း ဖြစ်ပါသည်။ ၎င်း၏ဆိုင်လေးသည် မလေးရှားဘုရားဖူးများအကြားတွင်သာမက အိမ်နီးချင်း အင်ဒိုနီးရှားနှင့် စင်ကာပူမှ ဘုရားဖူးများအကြားတွင်ပါ အလွန်ရေပန်းစားလျက်ရှိပြီး၊ ယခုကဲ့သို့ မွန်မြတ်လှသည့် မြေမြတ်မက္ကာတွင် မိမိ၏ကျွမ်းကျင်မှုဖြင့် ကူညီခွင့်ရသည့်အတွက် ဝမ်းမြောက်မိကြောင်း ၎င်းက ပြောကြားခဲ့ပါသည်။