မန္တလေးကုန်စည်ဒိုင်၌ မြေပဲဆံအဝင်နည်းသော်လည်း ဈေးကွက်လှုပ်ရှားမှုသွက်၊ ဈေးနှုန်းအပြောင်းအလဲများရှိ

ဧပြီလနောက်ဆုံးပတ်အတွင်း မန္တလေးကုန်စည်ဒိုင်၌ မြေပဲဆံများ အဝင်နည်းပါးနေသော်လည်း အရောင်းအဝယ်သွက်လက်နေကြောင်း ကုန်သည်များထံမှ သိရသည်။ S1 လုံးဆံ တစ်ပိဿာလျှင် ယခုတစ်ပတ်တွင် ကျပ် ၁၁၈၀၀ ရှိပြီး ယခင်တစ်ပတ်က ကျပ် ၁၁၅၀၀ ဖြစ်ခဲ့သဖြင့် ကျပ် ၃၀၀ ခန့် ဈေးမြင့်တက်လာသည်။ သို့သော် ယခင်လက ကျပ် ၁၂၅၀၀ ရှိခဲ့သဖြင့် လစဉ်နှိုင်းယှဉ်ရာတွင် ကျပ် ၇၀၀ ခန့် ဈေးကျဆင်းနေသည်။ S1 ဆီဆံမှာ တစ်ပိဿာ ကျပ် ၁၁၅၀၀ ရှိပြီး ယခင်တစ်ပတ်က ကျပ် ၁၁၃၀၀ မှ ကျပ် ၂၀၀ ခန့် မြင့်တက်လာခဲ့သည်။ ယခင်လနှင့် နှိုင်းယှဉ်ပါက ဈေးနှုန်းတည်ငြိမ်နေကြောင်း သိရသည်။ အနီလုံးဆံမှာ ယခင်တစ်ပတ်နှင့် တူညီသည့် တစ်ပိဿာ ကျပ် ၁၁၃၀၀ ဖြင့် ဈေးငြိမ်နေပြီး ယခင်လက ကျပ် ၁၁၅၀၀ ရှိခဲ့သဖြင့် ကျပ် ၂၀၀ ခန့် ဈေးကျဆင်းလာသည်။ ပြန့်လုံးဆံမှာ ယခုတစ်ပတ် တစ်ပိဿာ ကျပ် ၁၁၅၀၀ ရှိပြီး ယခင်တစ်ပတ်က ကျပ် ၁၂၀၀၀ နှင့် ယခင်လက ကျပ် ၁၂၃၀၀ ရှိခဲ့သဖြင့် တစ်ပတ်အတွင်း ကျပ် ၅၀၀ ခန့်နှင့် တစ်လအတွင်း ကျပ် ၈၀၀ ခန့် ဈေးကျဆင်းလာကြောင်း တွေ့ရသည်။ ပြန့်ဆီဆံမှာ တစ်ပိဿာ ကျပ် ၁၁၀၀၀ ရှိပြီး ယခင်တစ်ပတ်က ကျပ် ၁၁၃၀၀ နှင့် ယခင်လက ကျပ် ၁၁၈၀၀ ရှိခဲ့သဖြင့် တစ်ပတ်အတွင်း ကျပ် ၃၀၀ ခန့်နှင့် တစ်လအတွင်း ကျပ် ၈၀၀ ခန့် ဈေးကျဆင်းလာကြောင်း သိရသည်။ ကုန်သည်များ၏ ပြောကြားချက်အရ မြေပဲဆံအဝင်နည်းပါးနေသော်လည်း ဝယ်လိုအားဆက်လက်ရှိနေသဖြင့် ဈေးကွက်အတွင်း အရောင်းအဝယ်များ သွက်လက်နေဆဲဖြစ်ကြောင်း သိရသည်။