ပြည်တွင်း‌၌ ထိုင်၀မ်မျိုးရင်းပိန္နဲသီးများ ဈေးကောင်းရ၍ စီးပွားဖြစ်စိုက်ပျိုးသူများလာ

ပြည်တွင်းသီးနှံဈေးကွက်အတွင်းတွင် ထိုင်၀မ်မျိုးရင်းပိန္နဲသီးများမှာ လူကြိုက်များပြီး ဈေးကောင်းရနေသည့် အတွက် စီးပွားဖြစ် စိုက်ပျိုးသူများပြားလာကြောင်း သစ်သီးစိုက်ပျိုးထုတ်လုပ်ရောင်းချသူများထံမှ သိရသည်။ပြည်တွင်းမျိုးရင်းနှင့်ယှဉ်ပါက ဈေးနှုန်းနှစ်ဆခန့်ပိုရသဖြင့် တစ်နိုင်တစ်ပိုင်မှ စီးပွားဖြစ်စိုက်ပျိုးထုတ်လုပ် ရောင်းချသည်အထိ ပြုလုပ်လာကြခြင်းဖြစ်ကြောင်း ၎င်းတို့က ဆိုသည်။မန္တလေးမြို့ရှိ တရုတ်တန်းသစ်သီးဈေးကွက်အတွင်း ထိုင်၀မ်ပိန္နဲသီးတစ်ပိဿာလျှင် ၅,၀၀၀ ကျပ်နှင့်အထက် ဈေးရှိပြီး လက်လီဆိုင်များမှာ ခွဲရောင်းသော်လည်း လက်ကားဆိုင်များက အလုံးလိုက်သာရောင်းချကြသည်။