အီရန်စစ်ပွဲနှင့် ဟော်မုဇ်ရေလက်ကြား (Strait of Hormuz) ပိတ်ဆို့မှုများကြောင့် ရေနံတင်ပို့မှု ရပ်တန့်နေခြင်းသည် ဂျပန်နိုင်ငံ၏ ဆောက်လုပ်ရေးကဏ္ဍအပေါ် ကြီးမားသော ရိုက်ခတ်မှုများရှိနေကြောင်း ၂၀၂၆ ခုနှစ်၊ ဧပြီလ ၂၆ ရက်နေ့တွင် Japan Times က ဖော်ပြခဲ့သည်။ အထူးသဖြင့် ရေနံမှတစ်ဆင့် ထုတ်လုပ်ရသော နက်ဖ်သာ (Naphtha) ကုန်ကြမ်း မရရှိတော့သဖြင့် အဆောက်အအုံများ၏ အုတ်မြစ်နှင့် နံရံများတွင် အပူဒဏ်ခံရန် ထည့်သွင်းရသည့် ပလတ်စတစ်အမြှုပ် (Plastic Foam/Styrofoam) များ ပြတ်လပ်လာခြင်းဖြစ်သည်။ ဟော့ကိုင်းဒိုးနှင့် နာဂါနိုကဲ့သို့သော အပန်းဖြေစခန်းများ တည်ဆောက်နေသည့် ဒေသများတွင် Styrofoam မရှိပါက ကွန်ကရစ်လောင်း၍မရသဖြင့် စီမံကိန်းများ ရပ်နားထားရပြီး၊ ယင်းပြတ်လပ်မှုကြောင့် ဆောက်လုပ်ရေးပစ္စည်းဈေးနှုန်းများလည်း မြင့်တက်လာကာ စီမံကိန်းအသစ်များ စတင်ရန် နောက်ကျနိုင်ကြောင်း လုပ်ငန်းရှင်များက စိုးရိမ်လျက်ရှိသည်။ ဂျပန်နိုင်ငံအနေဖြင့် အခြားနိုင်ငံများထံမှ ရေနံနှင့် ကုန်ကြမ်းများ အစားထိုးရရှိရန် ကြိုးပမ်းနေသော်လည်း ကုန်ချောအဖြစ် ထုတ်လုပ်ရန် လပေါင်းများစွာ ကြာမြင့်နိုင်သောကြောင့် ဆောက်လုပ်ရေးလုပ်ငန်းများတွင် ရေရှည်အခက်အခဲ ဖြစ်ပေါ်နိုင်ကြောင်း သိရသည်။
