ရန်ကုန်၊ မန္တလေး၊ မကွေး၊ စစ်ကိုင်း၊ ဧရာဝတီ၊ ကချင်၊ ချင်း၊ မွန်၊ ရခိုင်နှင့် ရှမ်းပြည်နယ်တို့တွင် နေရာကွက် ကျားမှ နေရာကျဲကျဲ မိုးထစ်ချုန်းရွာမည်ဖြစ်ပြီး မိုးတိမ်တောင်များ ရွေ့လျားရာ တစ်လျှောက်တွင် လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီး ကြွေခြင်းများ ဖြစ်ပေါ်နိုင်ကြောင်း ထုတ်ပြန်ထားသည်။ပြီးခဲ့သည့် ရက်ပိုင်းအတွင်း မိုးရွာသွန်းမှုများအရ ပြင်ဦးလွင် (ဇီးပင်ကြီး) တွင် ၂ ဒသမ ၇၉ လက်မ၊ ရွှေဘိုမြို့တွင် ၂ ဒသမ ၅၂ လက်မ၊ သပိတ်ကျင်းတွင် ၂ ဒသမ ၃၆ လက်မနှင့် ကျောက်ဆည် (လွန်ကျော်) တွင် ၁ ဒသမ ၉၇ လက်မအထိ မိုးရေချိန်များခဲ့ကြောင်း သိရသည်။ယမန်နေ့က ကျောက်ပန်းတောင်းမြို့နယ် ဆည်ပေါက်ကျေးရွာတွင် မိုးသည်းထန်စွာရွာသွန်းမှုကြောင့် ချောင်းရေလျှံခြင်း၊ ပြင်ဦးလွင်နှင့် တောင်ငူမြို့တို့တွင် လေပြင်းကြောင့် သစ်ပင်များ ပြိုကျခြင်းတို့ ဖြစ်ပေါ်ခဲ့သည်။လာမည့် မေလသည် မိုးကြိုကာလဖြစ်သဖြင့် အနောက်တောင်မုတ်သုံလေ မဝင်ရောက်မီအတွင်း လေထုမငြိမ်သက်မှုများကြောင့် လေပြင်းတိုက်ခတ်ခြင်း၊ မိုးကြိုးပစ်ခြင်းနှင့် နေရာကွက်ကျား မိုးထစ် ချုန်းရွာခြင်းများ ဆက်လက်ဖြစ်ပေါ်နိုင်ကြောင်း မိုး/ဇလက သတိပေးထားသည်။
