ရှမ်းမြောက်၊နမ္မတူမှာ တစ်သောင်းတန် ငွေစက္ကူအတုတွေ သုံးစွဲတာရှိနေ

ရှမ်းမြောက် နမ္မတူမြို့ပေါ်မှာ တစ်သောင်းတန် ငွေစက္ကူအတုတွေ သုံးစွဲတာရှိနေတယ်လို့ ကိုယ်တိုင်ကြုံခဲ့ရတဲ့ ဆိုင်ရှင်တစ်ဦးက ပြောပါတယ်။ငွေစက္ကူအတုတွေကို တခြား တစ်သောင်းတန် ငွေစက္ကူအစစ်တွေကြား ရောသုံးပြီး စျေးလာဝယ်တာတွေရှိနေတဲ့အတွက် တခြားသူတွေ မကြုံရအောင် ငွေပေးချေတဲ့အခါ သေချာစီစစ်ဖို့ သတိပေးလိုတယ်လို့ ဆိုပါတယ်။"ပိုက်ဆံရောသုံးတော့ သေချာမကြည့်မိဘူး။ နောက်မှကြည့်မိတော့ ပိုက်ဆံတစ်သောင်းတန် တစ်ရွက်က အတုဖြစ်နေတာ။ အဲဒီကြောင့် မကြုံရအောင် သတိပေးချင်တယ်" လို့ ကိုယ်တိုင်ကြုံခဲ့တဲ့ နမ္မတူမြို့ခံ ဆိုင်ရှင်တစ်ဦးက ပြောပါတယ်။