ဦးဝင်းမြင့်အပါအဝင် အကျဉ်းသားများ လွှတ်ပေးမှုကို အာဆီယံဥက္ကဋ္ဌ ကြိုဆို

မြန်မာနှစ်ဆန်းတစ်ရက်နေ့တွင် ဦးဝင်းမြင့်အပါအဝင် အကျဉ်းသား (၄,၀၀၀) ကျော်ကို လွှတ်ငြိမ်းချမ်းသာခွင့်ပြုခဲ့ခြင်းအပေါ် အာဆီယံဥက္ကဋ္ဌက ဧပြီလ ၂၄ ရက်နေ့တွင် ကြိုဆိုကြောင်း ပြောကြားခဲ့သည်။ ယခုကဲ့သို့ လွှတ်ပေးခြင်းသည် မြန်မာနိုင်ငံ၏ အမျိုးသားညှိနှိုင်းဆွေးနွေးမှုများအတွက် အပြုသဘောဆောင်သည့် ခြေလှမ်းဖြစ်သဖြင့် ကျန်ရှိနေသော အကျဉ်းသားများကိုလည်း လွှတ်ပေးရန် တိုက်တွန်းခဲ့သည်။ထို့ပြင် အာဆီယံဥက္ကဋ္ဌက မြန်မာနိုင်ငံ၏ နိုင်ငံရေးအကျပ်အတည်းကို ဖြေရှင်းရန် အာဆီယံ၏ ဘုံသဘောတူညီချက် ၅ ချက် (Five-Point Consensus) သည် အဓိကအရေးပါကြောင်းနှင့် ငြိမ်းချမ်းပြီး တည်တံ့ခိုင်မြဲသော ဖြေရှင်းချက်တစ်ရပ်ရရှိရန် ဆက်လက်ကူညီသွားမည်ဖြစ်ကြောင်း အတည်ပြုပြောဆိုခဲ့သည်။ လူသားချင်းစာနာမှု အကူအညီများ ပေးပို့နိုင်မည့် ပတ်ဝန်းကျင်တစ်ရပ် ဖန်တီးပေးရန်လည်း ထပ်လောင်းတိုက်တွန်းထားကြောင်း သိရှိရပါသည်။