ထိုင်း-မြန်မာနယ်စပ်ကုန်သွယ်ရေး ပြန်ဖွင့်ရန်နယ်စပ်ကုန်သည်များ မျှော်လင့်နေ

ထိုင်းနိုင်ငံဒုတိယဝန်ကြီးချုပ်နိုင်ငံခြားရေးဝန်ကြီးH.E. Mr. Sihasak Phuagketkaew မြန်မာနိုင်ငံသို့လာရောက် လည်ပတ်မှုမှတဆင့် လက်ရှိရပ်ဆိုင်းနေသည့် မြဝတီ-မဲဆောက်နယ်စပ်ကုန်သွယ်မှုများ ပြန်လည် စတင်နိုင်ရန် မျှော်လင့်ထားကြောင်း မြဝတီအခြေစိုက်နယ်စပ်ကုန်သည်များထံမှ သိရသည်။ ထိုင်းနိုင်ငံဒုတိယဝန်ကြီးချုပ်နိုင်ငံခြားရေးဝန်ကြီးသည် အစိုးရသစ်လက်ထက်တွင်ပထမဆုံးလာရောက်သည့် အဆင့်မြင့်ကိုယ်စားလှယ်တစ်ဦးဖြစ်သည့်အပြင် နှစ်နိုင်ငံချစ်ကြည်ရေးကိစ္စရပ်များ နှင့် ကုန်သွယ်ရေးဆိုင်ရာကိစ္စ ရပ်များကို မြန်မာနိုင်ငံတော်သမ္မတ နှင့် အပြန်အလှန်ဆွေးနွေးခဲ့ကြောင်း သက်ဆိုင်ရာမှ သတင်းထုတ်ပြန်သည်။