ရန်ကုန် လေဆိပ်မှာ VIP Pass နဲ့ VIP Service ဈေးကွက်တွေ ပေါ်တင်ဖွင့်လှစ်ထားပြီး ဝန်ဆောင်ခဈေးနှုန်းတွေဟာလည်း သိန်းဆယ်ဂဏန်းမှ ရာဂဏန်းနီးပါးအထိ မြင့်တက်လာတယ်လို့ ခရီးသည်တွေ နဲ့ လေကြောင်း လုပ်ငန်း နဲ့ ဆက်စပ်သူတွေ ဆီကသိရပါတယ်။ VIP Pass နဲ့ VIP ဝန်ဆောင်မှုတွေကတော့ လေဆိပ်အတွင်း လျင်မြန်စွာ ဝင်ထွက်နိုင်ရေး၊ စစ်ဆေးမှုများ လျော့နည်းစေရေး၊ အထူးလမ်းကြောင်းအသုံးပြုခွင့်တွေ ပါဝင်နေတယ်လို့ ဆိုပါတယ်။ ပြည်ပ အလုပ်သမားတွေကိုလည်းပြည်ပထွက်ခွင့် VIP Pass နဲ့ VIP ဝန်ဆောင်မှုတွေ ရရယူအောင် ပြောဆိုနေတာတွေလည်း ရှိတယ်လို့ သိရပါတယ်။ မြန်မာနိုင်ငံကိုပြည်ပကနေ ပြန်လာတဲ့ ခွင့်ပြန်အလုပ်သမားတွေဟာအခုဆို အလုပ်သမားဝန်ကြီးဌာနရဲ့ စိစစ်တင်းကျပ်မှု အမျိုးမျိုးနဲ့ ပြည်ပထွက်ခွာခွင့် မချပေးတာကြောင့် အလုပ်သမားတွေဟာ အလုပ်ပြုတ်တဲ့အထိ အခက်အခဲမျိုးစုံ ကြုံနေရတာဖြစ်ပါတယ်။
