ဘန်ကောက်တွင် Bolt ဆိုင်ကယ်သမားက လိုရာမပို့ဘဲ မောင်းပြေးသဖြင့် ၁၇ နှစ်အရွယ် ကျောင်းသူတစ်ဦး ဆိုင်ကယ်ပေါ်မှ ခုန်ချခဲ့ရ

ဘန်ကောက်မြို့၊ နောင်ခမ်းခရိုင်အတွင်း ဧပြီလ ၂၃ ရက် နံနက်ပိုင်းက Bolt အက်ပလီကေးရှင်းမှတစ်ဆင့် ခေါ်ယူစီးနင်းခဲ့သည့် ၁၇ နှစ်အရွယ် ကျောင်းသူတစ်ဦးသည် ဆိုင်ကယ်မောင်းသူက နေအိမ်သို့ ပို့ဆောင်ပေးခြင်းမရှိဘဲ အရှိန်မြှင့်မောင်းပြေးသဖြင့် လမ်းဆုံတစ်ခုအရောက်တွင် ဆိုင်ကယ်ပေါ်မှ ခုန်ချခဲ့ရသည့်ဖြစ်ရပ် ဖြစ်ပွားခဲ့သည်။ ရဲတပ်ဖွဲ့က အသက် ၂၂ နှစ်အရွယ် ဆိုင်ကယ်မောင်းသူကို ဖမ်းဆီးခဲ့ရာ ၎င်းသည် ဖခင်ဖြစ်သူ၏ အကောင့်ကို အသုံးပြုကာ မောင်းနှင်နေခြင်းဖြစ်ပြီး ကရတ်တွမ်နှင့် ဆေးခြောက်သုံးစွဲထားကြောင်း ဝန်ခံထားသည်။ လက်ရှိတွင် ၎င်းအား မတရားချုပ်နှောင်မှု ပုဒ်မ ၃၁၀ ဖြင့် တရားစွဲဆိုထားပြီး ပြစ်မှုထင်ရှားပါက ထောင်ဒဏ် ၃ နှစ် သို့မဟုတ် ငွေဒဏ် ဘတ် ၆၀,၀၀၀ အထိ ကျခံရနိုင်သည့်အပြင် ယာဉ်မောင်းလိုင်စင် ပိတ်သိမ်းခံရမည့် အခြေအနေရှိနေသဖြင့် အက်ပ်မှတစ်ဆင့် ယာဉ်ခေါ်စီးသူများအနေဖြင့် ယာဉ်အမှတ်အသား တူ၊ မတူ ဂရုပြုရန် သတိပေးချက်များ ထွက်ပေါ်လျက်ရှိပါသည်။