ဗီယက်နမ်နိုင်ငံ၊ ဒါနန်းမြို့တွင် ကိုယ်အလေးချိန် ၃၀၀ ကီလိုဂရမ်ရှိသော နိုင်ငံခြားသားခရီးသွားတစ်ဦး ရေချိုးခန်းအတွင်း ပိတ်မိနေသည်ကို ကယ်ဆယ်ရေးအဖွဲ့များ ကယ်တင်ခဲ့ရ

ဗီယက်နမ်နိုင်ငံ၊ ဒါနန်းမြို့ရှိ တိုက်ခန်းတစ်ခုတွင် ကိုယ်အလေးချိန် ၃၀၀ ကီလိုဂရမ် (၆၆၀ ပေါင်ခန့်) ရှိပြီး အရပ် ၆ ပေခန့်ရှိသော အသက် ၆၄ နှစ်အရွယ် အမေရိကန်နိုင်ငံသား ခရီးသွားတစ်ဦးသည် ကျဉ်းမြောင်းသော ရေချိုးခန်းအတွင်း လဲကျကာ ပြန်မထနိုင်ဘဲ ပိတ်မိနေခဲ့သဖြင့် မီးသတ်နှင့် ကယ်ဆယ်ရေးတပ်ဖွဲ့ဝင်များက ၂၀၂၆ ခုနှစ်၊ ဧပြီလ ၂၂ ရက်နေ့တွင် ခက်ခက်ခဲခဲ ကယ်ထုတ်ခဲ့ရသည်။ ရေချိုးခန်း အလွန်ကျဉ်းမြောင်းမှုနှင့် လူနာ၏ ကိုယ်အလေးချိန် အလွန်များပြားမှုတို့ကြောင့် ပုံမှန်နည်းလမ်းဖြင့် မတင်နိုင်ဘဲ ဖြစ်နေခဲ့သော်လည်း ကယ်ဆယ်ရေးအဖွဲ့များက အထူးပြုပြင်ထားသော ကိရိယာများကို အသုံးပြု၍ ၃ နာရီနီးပါးကြာ ကြိုးပမ်းဆောင်ရွက်ခဲ့ရာ နံနက် ၁၁ နာရီကျော်တွင် အောင်မြင်စွာ ကယ်တင်နိုင်ခဲ့ပြီး လူနာအား ဆေးဘက်ဆိုင်ရာ စစ်ဆေးမှုများပြုလုပ်ရန် ဆေးရုံသို့ ပို့ဆောင်ပေးခဲ့ရာ လက်ရှိတွင် ကျန်းမာရေးအခြေအနေ တည်ငြိမ်လျက်ရှိကြောင်း သိရသည်။