ယူအေအီး၊ Big Ticket ၏ ဧပြီလ ဒုတိယပတ် အီလက်ထရောနစ် ကံစမ်းမဲ (Weekly e-draw) အနိုင်ရရှိသူများ ထွက်ပေါ်လာ

ယူအေအီးနိုင်ငံ၏ နာမည်ကြီး ထီကံစမ်းပွဲတစ်ခုဖြစ်သော Big Ticket Abu Dhabi သည် ၂၀၂၆ ခုနှစ်၊ ဧပြီလအတွက် ဒုတိယအပတ်စဉ် အီလက်ထရောနစ် ကံစမ်းမဲ (Series 286) ၏ အနိုင်ရရှိသူ ၄ ဦးကို ၂၀၂၆ ခုနှစ်၊ ဧပြီလ ၂၁ ရက်နေ့တွင် ထုတ်ပြန်ကြေညာခဲ့သည်။ အနိုင်ရရှိသူ တစ်ဦးစီသည် ဒိုင်ရမ် ၂၅,၀၀၀ (မြန်မာကျပ်ငွေ သိန်း ၂၀၀ ကျော်ခန့်) စီ ရရှိခဲ့ကြသည်။ ဒူဘိုင်းတွင် ၁၃ နှစ်ကြာ ထောက်ပံ့ပို့ဆောင်ရေး ညှိနှိုင်းရေးမှူးအဖြစ် လုပ်ကိုင်နေသည့် အသက် ၃၆ နှစ်အရွယ် Manu Augustin က ၎င်းအနေဖြင့် နှစ်ပေါင်းများစွာ ကံစမ်းခဲ့ပြီးနောက် ယခုမှ ပထမဆုံးအကြိမ် ဆုရရှိခြင်းဖြစ်သဖြင့် အလွန်ဝမ်းသာကြောင်း ပြောကြားခဲ့သည်။ ထို့အတူ အဘူဒါဘီအခြေစိုက် မိုဟာမက် မွန်ဂျာ (Mohammed Munjur) ကလည်း ၎င်း၏ ဆုကြေးငွေကို သူငယ်ချင်း ၁၈ ဦးပါဝင်သည့် အဖွဲ့နှင့် ခွဲဝေယူသွားမည်ဖြစ်ကြောင်း သိရသည်။Big Ticket သည် ဧပြီလအတွင်း အပတ်စဉ် ကံစမ်းမဲများကို ဆက်လက်ကျင်းပသွားမည်ဖြစ်ပြီး၊ မေလ ၃ ရက်နေ့တွင် ကျင်းပမည့် အဓိကကံစမ်းပွဲ (Grand Prize) ၌ ဒိုင်ရမ် သန်း ၂၀ ဆုကြီးကို ချီးမြှင့်သွားရန် စီစဉ်ထားကြောင်း သိရသည်။