အမေရိကန်ဗီဇာ လျှောက်ထားသူများ ဆိုရှယ်မီဒီယာအကောင့်များကို Public ပြောင်းထားရန် ထိုင်းနိုင်ငံဆိုင်ရာ အမေရိကန်သံရုံး အသိပေး

ထိုင်းနိုင်ငံ၊ ဘန်ကောက်မြို့ရှိ အမေရိကန်သံရုံးက ဗီဇာလျှောက်ထားသူများအနေဖြင့် ၎င်းတို့၏ ဆိုရှယ်မီဒီယာအကောင့်များအားလုံးကို Public (အများပြည်သူ မြင်တွေ့နိုင်သောစနစ်) သို့ ပြောင်းလဲထားရန် ကြေညာလိုက်သည်။ အဆိုပါ သတ်မှတ်ချက်သည် F, M, J, K-1, H1-B အစရှိသည့် ဗီဇာအမျိုးအစား အများအပြား လျှောက်ထားသူများနှင့် သက်ဆိုင်ပြီး၊ အမေရိကန်ဥပဒေအရ မည်သူမည်ဝါဖြစ်ကြောင်း အတည်ပြုရန်နှင့် ဝင်ရောက်ခွင့်ဆိုင်ရာ အရည်အချင်းများကို စစ်ဆေးနိုင်ရန်အတွက် ဖြစ်သည်။ အကယ်၍ Privacy Setting များကို Public သို့ ပြောင်းလဲထားခြင်း မရှိပါက ဗီဇာလျှောက်ထားမှု လုပ်ငန်းစဉ်များတွင် ကြန့်ကြာမှုများ ဖြစ်ပေါ်နိုင်ကြောင်း သတိပေးထားသည်။