စင်ကာပူ Punggol ရှိ တိုက်ခန်းလှေကားခွင်တွင် အညစ်အကြေးစွန့်ခဲ့သူအား ဒဏ်ငွေ ၈၀၀ ဒေါ်လာ ချမှတ်

စင်ကာပူနိုင်ငံ Punggol အရပ်ရှိ HDB တိုက်ခန်းလှေကားခွင်၌ အညစ်အကြေးစွန့်ပစ်ခဲ့သည့် အမျိုးသားတစ်ဦးကို အမျိုးသားပတ်ဝန်းကျင်ထိန်းသိမ်းရေးအေဂျင်စီ (NEA) က စုံစမ်းဖော်ထုတ်ကာ စင်ကာပူဒေါ်လာ ၈၀၀ ဒဏ်ရိုက်အရေးယူလိုက်ကြောင်း Mothership သတင်းဌာနက ဧပြီလ ၂၀ ရက်တွင် ဖော်ပြခဲ့သည်။ အဆိုပါအမျိုးသားသည် လူအများအသုံးပြုသော လှေကားခွင်တွင် မစင်စွန့်ခဲ့သည်ကို အိမ်နီးနားချင်းဖြစ်သူ၏ CCTV မှတ်တမ်းမှတစ်ဆင့် အထင်အရှားတွေ့ရှိခဲ့ခြင်းဖြစ်ပြီး၊ NEA ၏ စစ်ဆေးချက်အရ အများပြည်သူဆိုင်ရာနေရာ၌ အညစ်အကြေးစွန့်မှု ၂ မှုနှင့် ဆေးလိပ်သောက်ခွင့်မရှိသောနေရာတွင် ဆေးလိပ်သောက်မှု ၁ မှု၊ စုစုပေါင်း အမှု ၃ ခုဖြင့် အရေးယူခဲ့ခြင်းဖြစ်သည်။ စင်ကာပူနိုင်ငံတွင် တစ်ကိုယ်ရေသန့်ရှင်းမှုမရှိဘဲ လူမှုရေးအရ တာဝန်မဲ့သည့် အဆိုပါလုပ်ရပ်များအတွက် ဒဏ်ငွေ ၃၀၀ မှ ၁,၀၀၀ ဒေါ်လာအထိ ချမှတ်နိုင်ကြောင်းနှင့် ပြည်သူ့နီတိလိုက်နာရန် ပျက်ကွက်သူများကို ထိရောက်စွာ အရေးယူသွားမည်ဖြစ်ကြောင်း သတိပေးထားသည်။