ကိုရီးယားဒရာမာဇာတ်လမ်းတွဲ ထိပ်ဆုံးနေရာတွင် “Perfect Crown” ရပ်တည်

ကိုရီးယားရုပ်သံ MBC ၏ “Perfect Crown” ဇာတ်လမ်းတွဲသည် Good Data Corporation မှ ထုတ်ပြန်သော အပတ်စဉ် လူပြောအများဆုံး ဒရာမာဇာတ်လမ်းတွဲစာရင်းတွင် နံပါတ် ၁ နေရာကို ပြန်လည်သိမ်းပိုက်နိုင်ခဲ့ကြောင်း The Korea Times သတင်းအရ သိရသည်။ အဆိုပါ ဇာတ်လမ်းတွဲတွင် ပါဝင်သည့် သရုပ်ဆောင်များဖြစ်သော IU နှင့် Byeon Woo Seok တို့သည်လည်း သရုပ်ဆောင်စာရင်း၏ နံပါတ် ၁ နှင့် နံပါတ် ၂ နေရာများတွင် အသီးသီးရပ်တည်ကာ အောင်မြင်မှုရရှိနေပြီး၊ ၎င်းတို့၏နောက်တွင် Netflix ၏ “Bloodhounds 2” ဇာတ်လမ်းတွဲနှင့် သရုပ်ဆောင်များဖြစ်ကြသော Rain၊ Woo Do Hwan၊ Lee Sang Yi တို့က လူကြိုက်များမှု အစဉ်လိုက် ရပ်တည်နေကြကြောင်း သိရှိရပါသည်။