ဂျပန်နိုင်ငံအရှေ့မြောက်ပိုင်းတွင် ၇ ဒသမ ၄ အဆင့်ရှိ အင်အားပြင်းငလျင်လှုပ်ခတ်ပြီး ဆူနာမီသတိပေးချက်ထုတ်ပြန်

ဂျပန်နိုင်ငံ အရှေ့မြောက်ပိုင်းကမ်းလွန်၊ ဆန်နီကုကမ်းခြေအနီး မြေအောက်အနက် ၆ မိုင်ကျော်တွင် ယနေ့ (ဧပြီ ၂၀ ရက်) ညနေပိုင်းက ပြင်းအား ရစ်ခ်ျတာစကေး ၇ ဒသမ ၄ အဆင့်ရှိ အင်အားပြင်းငလျင်တစ်ခု လှုပ်ခတ်ခဲ့ရာ တိုကျိုမြို့အထိ တုန်ခါမှုများခံစားခဲ့ရပြီး အာဏာပိုင်များက ဆူနာမီသတိပေးချက် ထုတ်ပြန်ခဲ့သည်။ အဆိုပါငလျင်ကြောင့် ဆူနာမီလှိုင်းများ ရိုက်ခတ်ပျက်စီးနိုင်ခြေရှိသဖြင့် ကမ်းရိုးတန်းနှင့် မြစ်ကမ်းစပ်ဒေသရှိ ပြည်သူများအနေဖြင့် ဘေးလွတ်ရာကုန်းမြင့်များနှင့် အဆောက်အအုံများဆီသို့ ချက်ချင်းရွှေ့ပြောင်းကြရန် ဂျပန်မိုးလေဝသအေဂျင်စီက အထူးသတိပေး နှိုးဆော်ထားကြောင်း သိရှိရပါသည်။