အမျိုးသမီးနှင့်ကလေးဆေးရုံဝင်း အတွင်းတွင်အလုပ်သင်ဆရာဝန်တစ်ဦးဆိုင်ကယ်အခိုးခံရ

တောင်ကြီးမြို့၊ အမျိုးသမီးနှင့် ကလေးဆေးရုံဝန်း အတွင်း၌ ရပ်ထားသည့် မော်တော်ဆိုင်ကယ် တစ်စီး ဧပြီလ ၂၀ ရက်၊ မနက်ပိုင်းတွင် ခိုးယူခံရကြောင်းသိရသည်။အလုပ်သင်ဆရာ၀န်တစ်ဦး၏ ဆိုင်ကယ် Honda Dream 125 အနက်ရောင် အမျိုးအစားကို ဆေးရုံဝန်း အတွင်း၌ ရပ်ထားစဉ် နံနက် ၃ နာရီကျော်ခန့်က ခိုးယူခံရခြင်း ဖြစ်ကြောင်း CCTV မှတ်တမ်း အရ သိရသည်။ဧပြီလ ၁၇ ရက် ၊ နှစ်ဆန်း(၁) ရက် ၊ မနက်ပိုင်း၁၁ နာရီခွဲ အချိန် တွင်လည်း ဘုရားကြီး အနောက်ကျောင်းတွင် ရပ်ထားသော မော်တော်ဆိုင်ကယ် Honda Wave 100 ကျောက်စိမ်းရောင် 67 W / 82533 ခိုးယူခံလိုက်ရကြောင်း သိရသည်။ ထို့ပြင် ဧပြီလ ၉ ရက် တွင်လည်း အဝေရာ မီးပုံးပျံကွင်းတွင် Honda Wave Alpha 110 မော်ဒယ် 2025 အမျိုးအစား အဖြူရောင် ဆိုင်ကယ်တစ်စီးလည်း ပျောက်ဆုံးခဲ့ကြောင်း သိရသည်။